|
Post by Suralista on Jan 21, 2010 23:36:49 GMT -8
Nganing makamukna, kaipuhan magkasundo. An sarong an hiro tubig buda an tubig na mahiro. Ini an pagdagos na ritwal, ini an sayaw kan pagpadagos sa ritmong base sa pagkamidbid, sa tanog na kinomposo mantang namimidbidan an mga pigtutugang buskad burak sa pagpaisi kan saiyang hamot.
Pangaduwang ngaran ta itong pahinghing an apod sa diklom. Pangaduwang bunyag ta itong pagliwoy sa ririrupon na rarom. Sa ibabaw nagsasabaw-sabaw an hababaw na kaogmahan. Sa irarom naglalabaw-labaw an harararom na hangos.
Pag-iiriway ta an saradit na bagay na ipunan kan satong darakulang agrangay, buda magtagbo sa puon kan dai pa kitang pig-aakong sato, ay, an kaogmahan, huyan sana nakabiklad sa satuyang atubangan. Kaipuhan sanang dumuot ka sako, nganing kita magkasinabutan.
Agosto 1, 2009.Pawa.
|
|
|
Post by Geopoet on Mar 2, 2010 14:24:05 GMT -8
aba anang gayon baya... minasarumsom an huwesto kan parasurat...
|
|