|
Post by rawitdawit on Jul 11, 2009 4:00:22 GMT -8
Putíng polo na gurànóhon Atà na minsan man lang sùlotón Naglilíhis an panahón Luhay-lúhay man na naglálàtóm
Si mapolót na mantíkà dumán naglapaták Ruminukrók, kuminamáng siring kan wágak Iníng polo na dai tulós-túlos na naibábad Malà ta an nagyéyelo-yelóng likidong mantsá duman na nagtusmág
Taklâ kan tubig kan ginagámit paglabá nakikisàbít pa bagá Kurosò-kusóon, dagpukón man mag-âga Garó aking sirò-siruôn Dawà mo harumálon daing giróng-gírong
Pinirísan na nin ribó-ribong lemonsíito Ibinábad na sa saróng planggánang sukà Pignusnusán na nin tagók nin ibà Dai man giráray mawarà-wárà
An mga digtáng dará man saná kan sakóng pagkadaínlikáy.
|
|
|
Post by Geopoet on Jul 15, 2009 21:22:13 GMT -8
hahahahahahahaha... grabe gayo.... matindihon ang na mantsa yan.... kaipuhan gayud, gunting.
Magayon...minasaromsom an danay na bikol.
|
|
|
Post by rawitdawit on Jul 15, 2009 22:49:53 GMT -8
Probaran ta daw kun sanglian an polo nin ibang bado kun ano mangyari sa kahulugan:
Puting Kalson
Putíng kalson na gurànóhon Atà na minsan man lang sùlotón Naglilíhis an panahón Luhay-lúhay man na naglálàtóm
Si mapolót na mantíkà dumán naglapaták Ruminukrók, kuminamáng siring kan wágak Iníng kalson na dai tulós-túlos na naibábad Malà ta an nagyéyelo-yelóng likidong mantsá duman na nagtusmág
Taklâ kan tubig kan ginagámit paglabá nakikisàbít pa bagá Kurosò-kusóon, dagpukón man mag-âga Garó aking sirò-siruôn Dawà mo harumálon daing giróng-gírong
Pinirísan na nin ribó-ribong lemonsíito Ibinábad na sa saróng planggánang sukà Pignusnusán na nin tagók nin ibà Dai man giráray mawarà-wárà
An mga digtáng dará man saná kan sakóng pagkadaínlikáy.
|
|
|
Post by Geopoet on Jul 16, 2009 3:04:09 GMT -8
hahahahahaahahahahahaahahah.......grabe man! Makangiriton na maray si resulta. Naghahagikhik ako sa pagbasa.
Matibayon ka, Noy. Sige sana...hahahahahahahah
|
|