|
Post by Suralista on Jan 21, 2010 23:55:09 GMT -8
Banwang turuwang, sa kusog buda hinang, sa paghaman kan lansang na pagtubod, dinangdang. Sa pagkamuot tinais an lukas kan paglaom; sa herak kan Dios, sa sadiring higos dinaog an pagtios.
O, ginikanan kong ranga, orog hamis magpadaba. Kan matadong buda mahingowa, ronang maginhawa. Ina kan sakong kalag, kuna kan sakong rarom. Tingog kan taramon na pirmi kong aram sawudon. An gabos mong dalan daing dagkang lalakawan. Supay an kaogmahan pag namaanan an tarom kan saimong gayon, sa mga rebultong walat kan panahon sa higos kan saimong pagrambong. Buhi an daghan na dumalagan saimong daga kan mag-agahon. Totoong, dai nang iba, sa minundagan sana an hingalo kan ulian makukua.
Enero 21, 2009. Karangahan, Tabaco.
Hali sa librong QUE LUGAR ESTE (2009) ni JIMPLE BORLAGDAN
|
|
|
Post by Geopoet on Feb 2, 2010 17:23:03 GMT -8
Mahusayon na maray ang presentasyon mo kan saimong mga ideya. Kadakol akong nanudan saimo.
Salamat sa paghiras.
|
|