Post by Geopoet on Apr 29, 2012 6:21:34 GMT -8
An pagsurat sa Bikol dae man talagang problema,
kundi an mga tawong nakapuwesto asin naenot na
kun sinda nagin responsable asin bakong maurihon
literaturang Bikolnon, haloy na kutang nagbangon!
Maski na ngani ngunyan, minabangon pa sana
kadakol na tulos nakatindog na mga muralya
masakit ruripon an dalagan kan mga isip ninda,
nanggad dapat tigsikon, nganing magimata!
An literaturang Bikolnon hinog-hinog na baga
kaya lang ang kahinogan, garong kinarborohan pa
Ta an ibang Bikolano yaon sa Manila,
mas sikat an bagting kesa lumang kampana.
Mas pinili ninda ang lengguwaheng tagalog
na bako man nindang tataramon, baga sinublian sana
Mas suminikat an tagalog na kagsing,
kesa Bikolanong taramon na simpleng hatsing.
Digdi sa Bikol mga parasurat pasirikatan baga
Paerenotan puwesto sa atensyon kan iba
garo gumok na tamsi sindang hinuhusay pa
bitbit an sadiring kadunungan, daeng labot sa iba.
Tigsik ko man an mga gurangan sa literatura
maski sinda nagkakarawatan na garong mga ake pa sana
habong mag-ako nin sala ta pinatama kan hoben pa
Ta an sabi nonoy kami naenot, kamo huri na.
Noarin daw mapatama nin husto
kaisipan kan literaturang bikolano
maski dikit na pagtabang hale sa gobyerno
pinag-iiriwalang biyo, minabungkag nin grupo.
Kun arog kaini an daralagan sa bikolanong literatura
Senyal ini nin paglaom, kaipuhan nin bagong gimata
Tuyo man otrohon an mga salang huna o gibo
Tultolon pa man an isip na gumibong mga libro.
Gusto ko man tigsikon an sadiri kong istilo
Mala ngani ta aram na an mga parasurat marisgo
Ipinipirit pa man giraray an kagustuhang puwerte
Tibaad lamang magbago an buhay sa paagi nin suwerte.
kundi an mga tawong nakapuwesto asin naenot na
kun sinda nagin responsable asin bakong maurihon
literaturang Bikolnon, haloy na kutang nagbangon!
Maski na ngani ngunyan, minabangon pa sana
kadakol na tulos nakatindog na mga muralya
masakit ruripon an dalagan kan mga isip ninda,
nanggad dapat tigsikon, nganing magimata!
An literaturang Bikolnon hinog-hinog na baga
kaya lang ang kahinogan, garong kinarborohan pa
Ta an ibang Bikolano yaon sa Manila,
mas sikat an bagting kesa lumang kampana.
Mas pinili ninda ang lengguwaheng tagalog
na bako man nindang tataramon, baga sinublian sana
Mas suminikat an tagalog na kagsing,
kesa Bikolanong taramon na simpleng hatsing.
Digdi sa Bikol mga parasurat pasirikatan baga
Paerenotan puwesto sa atensyon kan iba
garo gumok na tamsi sindang hinuhusay pa
bitbit an sadiring kadunungan, daeng labot sa iba.
Tigsik ko man an mga gurangan sa literatura
maski sinda nagkakarawatan na garong mga ake pa sana
habong mag-ako nin sala ta pinatama kan hoben pa
Ta an sabi nonoy kami naenot, kamo huri na.
Noarin daw mapatama nin husto
kaisipan kan literaturang bikolano
maski dikit na pagtabang hale sa gobyerno
pinag-iiriwalang biyo, minabungkag nin grupo.
Kun arog kaini an daralagan sa bikolanong literatura
Senyal ini nin paglaom, kaipuhan nin bagong gimata
Tuyo man otrohon an mga salang huna o gibo
Tultolon pa man an isip na gumibong mga libro.
Gusto ko man tigsikon an sadiri kong istilo
Mala ngani ta aram na an mga parasurat marisgo
Ipinipirit pa man giraray an kagustuhang puwerte
Tibaad lamang magbago an buhay sa paagi nin suwerte.