|
Post by Geopoet on Mar 30, 2012 18:09:10 GMT -8
An hilomlom na kaanggutan garo sipnoang kuyom-kuyom; nakahagkos sa puso, siring sa tubig na nagraraguso, daeng kanultulan; Siring sa sarong hisong gapo, Hinahagidhid an mapulot na ugsong nin kasalan tanganing sa sarong pirik-pisik nin tubig na malipoton, o malabnawon, maianod an ati nin kalapaan.
Siring sa maitomon na tabnaw, Dae mo mansay an kairaroman na kun saimong imahinaron siring man sana sa pusong maitom; nawawara an tunay na kahulugan nin kulay: maitom, madiklom, mabataon, malapaon, gabos daeng porma nin tultulan.
Tagdo sana.
Kabali ini na pinagsumite sa Ikaduwang Saringsing: Paghimukat nin mga Obrang Literatura Palestina, Pili, Camarines Sur
|
|