|
Tigsik
Sept 29, 2011 21:17:52 GMT -8
Post by nestorawa on Sept 29, 2011 21:17:52 GMT -8
Tigsik ko ana tugaw Cira gogono dawa lang langkaw Alagad tugaw minsan maringgaw San bangbangan sige a panoro tan-aw Kaya ko boksan ko so kaldirong saday Tugaw nangasag na sadto linugaw.
Tigsik ko ana bayong na kosta Magayon dawa sadit sana Alagad mga para oma baldi kanda Binabaribad na, linalastiko pa Pero ko ako mag simba Mga kosta nag iimati man ko misa Tinawan sira ni mamo sa estada Sadto mga payo ko santo, santa.
Tigsik ko si Bantay Iya ayam ni Manay Dagay Malinig, mataba, asikaso sa maray Dakul ayam na babayi kanya namaray-basay. Usad na alduw namangno ko iya mabublay Adto palan kinapon, inalinan sa bongaw.
Tigsik ko so boring na ayam Birik-birik na sadto nag-iinoman Nag uulat na iya ma-wigtikan Dawa loog sana ko toringan Na amo sumsuman. Imbes, so payo niya sinok-kan Saka dagos nang tinumbanan.
Tigsik ko a logar na Masosu poon ako igin sagkud na nag soltero Mga tawo dawa sari san mag lalabto Pati mga gadya pwedeng mag lal-lao. Nguwan diri na basang pwede. Ngata raw ta napa arug kadi? Ngamin na tobig agko na kagsadiri, Masupug maki usip kin pwede libri, Agko na pati kodal rogi ag alamre, A iba sinimento na sa pwerte. Masimpil na parte? A lugar nag popoon nang mag ati Apisar mga kagsadiri agko na disminti.
|
|