|
Post by mrbeanitay on Feb 25, 2010 21:15:20 GMT -8
Tigsik ko ining mga kajovenesan Manlaen-laen ang pig-iistarambayan Mapa diyan sa dalan Hanggang sa simbahan
Dating putos na lawas Ngunian siyu ang pigluluwas Si maria clara iyu ang ginadan Ta binalyu ning ka tampalasan
Mga kajovenesan yaun duman Sige ang pakihadukan Di pig-iisip ang saiyang kalugian Basta sinda mapasiram
Imbes nag-aadal sa eskwelahan Yaun duman sa bilyaran Maging sa kumputeran Saindang mga magurang makairakun man
Dating panduk na simple Ngunian todo ang kolorete Tanganing makabingwit ki lalake Hesus ko,kaheraki kami
Badus na si nene sa edad na katorse Kaya surunudan su aki hanggang sa magdose Anuman daw ang ipapakaunsa saiyang mga aki Maghahalat na sanang matigdag su butiki
Haen na ang mga kajovenesan Na pag-asa kan satung bayan Yaun duman sa diskohan Sige ang baraylehan
Dai aram kaining mga kajovenesan Sa likod nag-iibi saindang mga magurang Taang pagkabuhay pirmi na sanang kulang Pasalamat na sana kung may magtatabang
|
|
|
Post by Geopoet on Feb 28, 2010 14:44:58 GMT -8
Magayon na riparo ini...hayag an intensyon mo na maipamuklat an raot kan maling gibo...
|
|
|
Post by sisamiraw on Mar 2, 2010 1:44:27 GMT -8
hehehe... garo ka sana butlog!!!!!!!!!!!!!!!! wara nakalibre sa saimong manga malsok...
|
|