|
Post by Geopoet on Feb 28, 2010 15:27:08 GMT -8
Malinawon an saimong riparo sa bagay kan epiko nin Ibalong. Maski na ngani kadakulon na an naisurat sa mga bagay na ini na haros may kuruntrahan sa parte kan parasurat, pero, magin mahiwas lang kita sa pagrurip kan mga misteryosong pangyayari na kun minsan minaluwas na ini bunga kan mahiwas na kaisipan nin tawo.
Para sakuya, an epiko nin ibalong sarong mahiwas na kaaraman na kun saen an "tradisyon kan kagsurat o parasurat" minatao nin bagha sa lambang intensiyon o boot kan kagsurat o parasurat na maipaabot sa mga tawong interesadong maaraman ini.
Sa katapos-tapusi, minaluwas an tunay na liwanag kun tadaw ta igwa nin epiko kan Ibalong na iyo ngonyan an minapahiwas kan satuyang pananaw sa pintuan kan literatura na pagparagiromdomon kan mga henerasyon pang maabot. Asin kita na mga parasurat/kagsurat o paratuyaw an nagtao nin punto nin kaisipan na manudan kan mga henerasyon na kun gurano ta tinabangan sinda magrurip kan bagay na tago o hayag.
An pamana mo o pamana kan henerasyon na ini iyo an literaturang aram ta ngonyan na panahon. Dae lang kita mag-untok sa paghanap kan mga ini asin i-respeto ta na lang kun ano baya an resulta nindang parahanap asin tabangan na mas mapahiwas pa ini.
Sa panaysay mong ini, naliwanagan ako kan bagay na dae ko pa aram manunungod sa epikong ini. Salamat na maray sa paghiras.
|
|