|
Post by Geopoet on Feb 8, 2010 23:08:20 GMT -8
Tigsik ko an ipot an parong mahangot kun ika minsan maduda pa, ipot palan huna mo udo nin baka.
Tigsik ko man an ihi nin babaye masagitsit kun minatiwitiw an pasit mas sobra pa sa ariw!
Tigsik ko man an ihi nin damulag maski saen nakakatuprak pag natungtungan bitis minarakrak!
Tigsik ko man an tinangkal na orig makusugon magkakan timbang matipid pero an laman siyertadong marikdig.
Tigsik ko man an paraluto nin karne daeng tapsi sa kabasugan grabe langkaw nin dugo dae mapugol an atake.
|
|
|
Post by sisamiraw on Feb 15, 2010 22:57:04 GMT -8
...Hahaha... gabos po ini na-experience ko na, alagad dai ko po ini pignamitan huli ta dai pa ako i-atake tapos arayo o wara kami ki damulag; naparong ko na an ipot kadtong aki pa ako (dai ko sana naparong ta nakaputan ko pa); namatian ko na pati kun pano kakusog an pagkupsit kan ihi kan babayi kan magduman kami sa harong kan kaklase namu, SEKRETO SANA NATUN an twilit kaya ninda harane sa living room ninda, (pinatukaw kami kan kaibahan namu tapos nag-CR sya LECHENG KUSOG); ngunyan igwa kami ki orig, dai man namu napapakan ki tultol huli ta wara ki pambakal, tama na an sapal asin tada namu (aw ano man iyan ginibung ayam!) alagad mabataun an kulungan, ugakunon maglimpya ki kulungan kaya an manga kataraning pagnagalabus sa samuyang harong sigeng kugad asin tarambunan ki urong!!! kasusupog daw na!
|
|
|
Post by Geopoet on Feb 16, 2010 22:17:11 GMT -8
hahaha... naka-eksperiyensiya ka man palan... narumduman ko sana kaya si mga agi-agi ko eh... maloko kaya kaidtong huben pa...
Salamat sana sa pagbasa.
|
|