|
Post by Suralista on Jan 21, 2010 23:37:48 GMT -8
Sa gilid kan tinampo sa Malilipot, maistar kita sa harong na gibo sa butong. Duwang iskalon, ngani sa pinaka-itaas tanaw ta an dagat, buda an mga pagtaraning na nakakupo an mga harong sa tampi kan dalan na bangin. Ika sana buda an istorya mo kun pano mo ako namutan. An ulok mong iyo sana an kapot ko sa harayong baryo.
Bayai sindang nag-aaragi nakadungaw sa bus hali sa dakulang syudad na satong winalat, buda digdi sa maluway na buhay sa gilid kan dalan magpuon giraray. Pasulnop na an aldaw sa abong daga ika naglalakaw parani sakuya para ako lanyagon magdamlag sa irarom kan mga bituon.
JIMPLE BORLAGDAN
|
|
|
Post by Geopoet on Feb 28, 2010 15:58:35 GMT -8
Grabe an inspirasyon nin pagkamoot na yaon sa karakter kan saimong rawit-dawit... gurano daw kasuwerte kan babayeng ini sa lalakeng namoot nin todo saiya?
|
|