|
Post by Suralista on Oct 4, 2009 22:56:03 GMT -8
Kaitong panahon na nagdudurog kita kairiba buda kaarog kan mga hayop inapod ta an kinaban na paraiso.
Daing tahob, an mga lawas ta plos arog sa mga gapo. Buhi an mga pagmawot para sa katotoohan na daing supog.
Ini an mga panahon kun sain an mga hagadon tunay na kaipuhan. Dai ta pigmamawot an mga bituon ta satuya wara iyan na kamugtakan.
Dai ta kaipuhan hamanon an satong kaonon ta an pigkakaon ta sana su hamana kan daga.
Wara ki nagkukudal ta sa lati, sa lawod dai man ki nagpapagal. Wara ki nagsasadiri ta pati an satong sadiri sa pagkamuot kan gabos libri.
Ano ta kan uminabot su mga tawong buminutwa sa sagkodan kan kinaban, madalion ta nalingawan na an buhay ta pano nang kaogmahan.
|
|
|
Post by Geopoet on Oct 7, 2009 14:15:53 GMT -8
Magayonon ining kaisipan na naisurat...pero suhestiyon ko: mas magayonon kun paragrap an presentasyon na uyon sa dalagan kan saimong isip asin tono...
|
|