|
Post by Geopoet on Mar 30, 2012 17:57:21 GMT -8
Uya, sarong estorya, buhay rigaton o tindera Amay baya alas kuwatro minagios na, Naeenot pa sa manok kun siya nagigimata.
An agom niya kasubanggi, maraot an timplada Nag-uli haling piyer, mayong bagas, mayong kuwarta May lalay pang boteng bilog, regalo daa kan barkada.
Kan siya nagbuhat, napakiling sa mga ake niya, An bunso edad walo, an matua may ka-ilusyon na: Baya an pagal agi sana, an pagtios malipas, isip niya.
Nagduman siya sa dapog, naghagayhay ginhawa Ta mayo na palan uring, an kahoy basa pa Alagad an imbong nin kalayong buhay mati pa niya.
Ano bayang konsuwelong mahahalat sa sakripisyo Kung ika mahigos, agom mo mahugak, mabisyo Lingaw sa pangako na an langit saimo ipagtao.
Konsuwelong lambitay kulangon an maisasabi Bihira ini sa buhay, segun pirme sa babaye, Pagririgaton sa kulang inadalan, bakong simple.
An pagrigaton gibohong pagkamoot, maski dikit an kita Kinilometrong lakaw sa lindong kan aldaw, masayon baga Dae inisip an kapagalan, makapagsirbe sana sa pamilya.
Iyo ini an estorya, buhay rigaton o tindera, Higos an puhunan maski mapagalon sige an tinda, Konsuwelong lambitay, simplehong pahiyom sana.
|
|