Post by Geopoet on Mar 30, 2012 17:55:59 GMT -8
An pormada nin buhok, porma nin pagkatawo ta
Kun ano daa an dalagan nin isip, iyo man an hitsura
Dikit sanang makatubod ta ini baya sabi-sabi sana,
Kun kulot o kutikot an buhok mo, malaenon baga
Daeng kauntukan sa paagi kun paanuhon pagporma.
Kadakol kasabihan manunungod sa buhok,
Sabi kan mga gurang, kaidto, kaipo an pamada
Kun an soltero minaporma sa balingkinitang daraga,
Dapat hipid an buhok dangan tatao ka magkanta,
Ta si nene hinog-hinog na, sa buhok mo agiha.
Sa modernong panahon, kadakol klase an kupyor
May pormang manok-manok an buhok o giyera-mayor;
May ikog na gare halas na lalay sa likod, de-kolor
Maski ngani an pormadang kalbo, bago man an uso
Tinuyong may walat sa gilid, may kirit sa likod kan payo.
Iyo ini an usong naggikan sa di-kulay buhok nin mga hapon
Maskarang gamit entablado, ngonyan gamit na pantinampo
Naglalakaw na tawo tingag sa langit na pormang Amerikano
Ang hiro man nin kamot o labyog kan bitis inarogang gayo
Nawara na si normal na paghiro, ta sa isip bagay ining moderno.
Di bale na daang pagngisihan basta maogma an tawo
Na sa paghiling sa pormadong buhok, madali lang mariparo
Maski uso kaidto, dara pa man ngonyan maski paropaano
Likayan sanang mag-uran o baya magbagyo
Ta tibaad lupadon nin paros abot sagkod impiyerno!
Likayi man baya daa an paggamit nin tina o dyel sa payo
Kadakol an nagsasabi bakong maray sa isip nin tawo
Minaluya an andar nin hutok, sa pag-arog bakong akseptado
Minadarang kalaenan sa boot, o baya maribongong bisyo
Sa pasaway na hiroon, puwede kang maghuramentado!
Kun ano daa an dalagan nin isip, iyo man an hitsura
Dikit sanang makatubod ta ini baya sabi-sabi sana,
Kun kulot o kutikot an buhok mo, malaenon baga
Daeng kauntukan sa paagi kun paanuhon pagporma.
Kadakol kasabihan manunungod sa buhok,
Sabi kan mga gurang, kaidto, kaipo an pamada
Kun an soltero minaporma sa balingkinitang daraga,
Dapat hipid an buhok dangan tatao ka magkanta,
Ta si nene hinog-hinog na, sa buhok mo agiha.
Sa modernong panahon, kadakol klase an kupyor
May pormang manok-manok an buhok o giyera-mayor;
May ikog na gare halas na lalay sa likod, de-kolor
Maski ngani an pormadang kalbo, bago man an uso
Tinuyong may walat sa gilid, may kirit sa likod kan payo.
Iyo ini an usong naggikan sa di-kulay buhok nin mga hapon
Maskarang gamit entablado, ngonyan gamit na pantinampo
Naglalakaw na tawo tingag sa langit na pormang Amerikano
Ang hiro man nin kamot o labyog kan bitis inarogang gayo
Nawara na si normal na paghiro, ta sa isip bagay ining moderno.
Di bale na daang pagngisihan basta maogma an tawo
Na sa paghiling sa pormadong buhok, madali lang mariparo
Maski uso kaidto, dara pa man ngonyan maski paropaano
Likayan sanang mag-uran o baya magbagyo
Ta tibaad lupadon nin paros abot sagkod impiyerno!
Likayi man baya daa an paggamit nin tina o dyel sa payo
Kadakol an nagsasabi bakong maray sa isip nin tawo
Minaluya an andar nin hutok, sa pag-arog bakong akseptado
Minadarang kalaenan sa boot, o baya maribongong bisyo
Sa pasaway na hiroon, puwede kang maghuramentado!