Geopoet
Administrator
member is offline
![[avatar]](http://s4.images.proboards.com/avatars/boyandpc.gif)
![[homepage]](http://s4.images.proboards.com/buttons/www_sm.gif)
Joined: Sept 2008
Gender: Male 
Posts: 27
Karma: 1 |  | Mga Klase nin Pagkamoot
« Thread Started on Sept 12, 2009, 2:43pm » | ![[Quote]](http://s4.images.proboards.com/buttons/quote.gif) |
Aba anang hangot kan pusong namomoot,
Aldaw banggi isip naghuhuyon-huyon,
Mata nakaputitok sa paros, mate mahutohot.
Uya baya…
Hilngon ta daw an manlaen-laen na porma
Kan tawong namomoot, labi-labi baga,
Kaipuhan intindihon asin pagpapasensiya:
An enot na pagkamoot garo pinahilomlom na sugok:
Saray sa daghan, manipis, kristal an huyom,
Na siring sa tubig, grabe an bulos, masagok!
Sa paghigda, kapot an litrato, hinahadukan;
Agawa baya, itago, harangkason gabos
Na lugar na hinuklitan o kaya nakaluwagan,
Ta dae kaya sa boot, moot na nagririmpos!
Lingaw sa pagkakan, mas mahamison,
Ta an enot na hadok, minasagom, minakotikot.
Uya man baya, sarong klase nin pagkamoot,
Sa hiling sana, naisasabi na an mate,
Alagad nadadaog nin takot.
Sa tagong paagi, minasir-ip, minabaluktot,
Sa daghan an mate minabughawas, minabalintok;
Kapot an ulnan, minapaitaas, minatagilid,
Hiling sa kapot iyo na an lalawgon ni lab niya
Tigngingisihan, kinukudot, kinakaolay
Na gare baga tawong tunay,
Klase nin pagkamoot, harani sa kalot!
Uya pa baya, sarong klase nin pagkamoot,
Sakripisyong tulay nin duwa,
Nagpapagamit, surugoon baga.
Sa tagong pagkamoot, tama nang kaiba-iba,
Maski makulog sa daghan, hiyom sana,
Aram niyang binobola si lab niya, sige sana
Ta paglaom niya sa bandang huri
Mapasaiya man sana.
Tama na saiya an tada, basta harani siya,
Tunay nanggad pagkamoot, husto sana!
Dakol pang iba an klase nin pagkamoot
Pero bako ini sako, bako man saimo,
Hala ka! Dae ka matakot.
Ta an historiya nin pagkamoot, danay,
Mayong katapusan, mayong sagkod.
|
Obedience to God's commandments is the highest form of worship.
http://www.wanderlustimagination.synthasite.com |
|
![[Home]](http://s4.images.proboards.com/menu/home.gif)
![[Help]](http://s4.images.proboards.com/menu/help.gif)
![[Search]](http://s4.images.proboards.com/menu/search.gif)
![[Login]](http://s4.images.proboards.com/menu/login.gif)
![[Register]](http://s4.images.proboards.com/menu/register.gif)
![[Live Chat]](http://s4.images.proboards.com/menu/chat.gif)
![[Search This Thread]](http://s4.images.proboards.com/search2.gif)
![[Reply]](http://s4.images.proboards.com/buttons/reply.gif)
![[Send Topic To Friend]](http://s4.images.proboards.com/buttons/sendtopic.gif)
![[Print]](http://s4.images.proboards.com/buttons/print.gif)
Author
Logged