Geopoet
Administrator
member is offline
![[avatar]](http://s2.images.proboards.com/avatars/boyandpc.gif "[avatar]")
![[msn]](http://s2.images.proboards.com/msn.gif "[msn]")
![[homepage]](http://s2.images.proboards.com/buttons/www_sm.gif "[homepage]")
Joined: Sept 2008
Gender: Male 
Posts: 92
Location: San Jose, Camarines Sur, PH
Karma: 1 |  | Mga Klase nin Pagkamoot
« Thread Started on Sept 11, 2009, 10:43pm » | ![[Quote]](http://s2.images.proboards.com/buttons/quote.gif "[Quote]") |
Aba anang hangot kan pusong namomoot,
Aldaw banggi isip naghuhuyon-huyon,
Mata nakaputitok sa paros, mate mahutohot.
Uya baya…
Hilngon ta daw an manlaen-laen na porma
Kan tawong namomoot, labi-labi baga,
Kaipuhan intindihon asin pagpapasensiya:
An enot na pagkamoot garo pinahilomlom na sugok:
Saray sa daghan, manipis, kristal an huyom,
Na siring sa tubig, grabe an bulos, masagok!
Sa paghigda, kapot an litrato, hinahadukan;
Agawa baya, itago, harangkason gabos
Na lugar na hinuklitan o kaya nakaluwagan,
Ta dae kaya sa boot, moot na nagririmpos!
Lingaw sa pagkakan, mas mahamison,
Ta an enot na hadok, minasagom, minakotikot.
Uya man baya, sarong klase nin pagkamoot,
Sa hiling sana, naisasabi na an mate,
Alagad nadadaog nin takot.
Sa tagong paagi, minasir-ip, minabaluktot,
Sa daghan an mate minabughawas, minabalintok;
Kapot an ulnan, minapaitaas, minatagilid,
Hiling sa kapot iyo na an lalawgon ni lab niya
Tigngingisihan, kinukudot, kinakaolay
Na gare baga tawong tunay,
Klase nin pagkamoot, harani sa kalot!
Uya pa baya, sarong klase nin pagkamoot,
Sakripisyong tulay nin duwa,
Nagpapagamit, surugoon baga.
Sa tagong pagkamoot, tama nang kaiba-iba,
Maski makulog sa daghan, hiyom sana,
Aram niyang binobola si lab niya, sige sana
Ta paglaom niya sa bandang huri
Mapasaiya man sana.
Tama na saiya an tada, basta harani siya,
Tunay nanggad pagkamoot, husto sana!
Dakol pang iba an klase nin pagkamoot
Pero bako ini sako, bako man saimo,
Hala ka! Dae ka matakot.
Ta an historiya nin pagkamoot, danay,
Mayong katapusan, mayong sagkod.
|
|
|
sisamiraw
Guest
| | Re: Mga Klase nin Pagkamoot
« Reply #1 on Mar 18, 2010, 2:41am » | |
... Ngunyan garo gusto ko nang maging gurang......................
Huli ta magayunon garo maging arog kadto tanganing maagi-agihan ko man ining manga klase kan pagkamoot na pigsurat asin aram mo, Sir Geopoet...
Pero, sabi ko ngani:
"Unon ko man ang DeSPeRaDoNG pAgkAmOOt kung mayo namang makuang TuNaY na pAgmAmAhAl . Mayong TUNAY na PAGKAMOOT sa tawong di nakakapaghalat saka mayong DESPERADONG PAGMAMAHAL na pwedeng mag-ulay. Mas gusto ko munang abuton ang sakuyang mga PANGARAP ta aram ko, habang nakikipagsapalaran ako para aboton idto, duman ko mahanap ang TaWoNg magiging kabanga ko sa sakuyang ITINADHANANG PAG-IBIG"
... ini an abo kong klase kan pagmoot na nasabi sa saknong iks-lima kan saimong tula...
| |
|
Geopoet
Administrator
member is offline
Joined: Sept 2008
Gender: Male
Posts: 92
Location: San Jose, Camarines Sur, PH
Karma: 1 | | Re: Mga Klase nin Pagkamoot
« Reply #2 on May 15, 2010, 2:37am » | |
Kun takot kaya mamoot an sarong tawo, dae niya maintindihan na gayo kun tadaw ta siya ngani iminundag digde sa kinaban kan saiyang mga magurang. Kun bako sa pagkamoot kan magurang mo, dae ka man mamundag.
May magayon na mamoot ka tanganing maintindihan mo man an kahulugan nin pagkamoot o kaya pait kan dae mamoot.
An Diyos pagkamoot. So, gabos kita nilalang nin huli sa pagkamoot. Kaya, dae ka matakot mamoot o baya maloko kan babae na namumutan mo, nin huli ta parte yan kan eksperiyensiya nin tawo tanganing makanuod sa gabos na bagay bago pa man siya maggurang.
Salamat sa pagbasa. Sori kun ngunyan ko sana masimbag si comment mo. Grabe gayo ako ka-busy sa trabaho saka simbahan.
|
|
|
![[Home]](http://s2.images.proboards.com/menu/home.gif "[Home]")
![[New Topics]](http://s2.images.proboards.com/menu/topics.png "[New Topics]")
![[Help]](http://s2.images.proboards.com/menu/help.gif "[Help]")
![[Search]](http://s2.images.proboards.com/menu/search.gif "[Search]")
![[Login]](http://s2.images.proboards.com/menu/login.gif "[Login]")
![[Register]](http://s2.images.proboards.com/menu/register.gif "[Register]")
![[Live Chat]](http://s2.images.proboards.com/menu/chat.gif "[Live Chat]")
![[Search This Thread]](http://s2.images.proboards.com/search2.gif "[Search This Thread]")
![[Reply]](http://s2.images.proboards.com/buttons/reply.gif "[Reply]")
![[Share Topic]](http://s2.images.proboards.com/new/buttons/share.png "[Share Topic]")
![[Print]](http://s2.images.proboards.com/buttons/print.gif "[Print]")
Author
Logged